香港新浪網 MySinaBlog
« 上一篇 | 下一篇 »
蘆葦 | 18th Jan 2015, 20:04 PM | 一刻無聊 | (49 Reads)

//「係呀,間屋唔係淨係瓦揸嘛,仲有其他業主,叫佢地賣個價又未必肯制,咁一間換一間,最好啦,又唔使講錢、夠簡單啦。於是呢,瓦就質下屋、睇下邊尐腰,邊尐唔腰,左質右質,去換間更大更貴嘅屋。哈,咁你知嘛,瓦間舊屋個價值,咪一下子塞放出來囉!瓦又合皮,其他業主又合皮。你話幾好呢。」//


全文:



「咦?李伯,好耐無見你來喎。」


「嘻,係呀,瓦呢排都比較忙,近排啱啱忙完少少事,諗起都好瀨未黎行下,咪來探下你囉。」


「李伯你真有心。係呢,上次你話大仔唔俾你同朋友仔講野,宜家點呢?」


「呀,姑娘仔你真係好記性,無啦,上次瓦趁老趙同班朋友仔見面,扮晒路過坐底,係咁趕係咁趕,舒服晒。個仔見瓦咁搞,都知瓦唔高興,咪唔再理瓦、任瓦同尐朋友仔講囉。」


「咪好囉,你個仔幾孝順吖。可能佢都係擔心你啫。」


「哼!算係咁啦。呢個仔吖,有時只係嫌佢太古板,坐定定郁下都唔會;個細呢,又啱啱相反,周圍走無時定。阿姑娘,你話如果有個攪拌器,放佢兩個落去搞一搞,撈返勻循尐,你話幾好呢。」


「哈,咁你捨得㩒制先好喎。係呢,你頭先話近排忙緊少少野,忙咩呀?」


「哈,無乜嘢,忙搬屋啫。」


「咦?你搬去邊?」


「點趕好呢,其實又唔係搬,只係屋換屋啫⋯嗯,簡單尐趕俾你聽啦。打個比喻吖,瓦呢,早年做尐生意仔,做做下都有個錢,咪同人夾份買左英國鬼佬間屋,自己渣少少咁囉。不過瓦話過你知,其實呢間屋先係正嘢,入面尐裝修呀,傢俬呀,都係瓦我多年來四圍去買返來,精心挑選架。有時尐經紀問下瓦賣唔賣,瓦一問佢咁可以賣幾多呀?哎吔!佢還個個價低到呢,尐傢俬都唔只值呢個錢啦,激死瓦。」


「咁仲乜又突然搬?」


「都話唔係搬囉,只係半年前,瓦質質下屋、唉,能落都係唔抵,愈能愈激氣,無理由間屋只值咁多嘛、哈,點知無端端有個叻仔,同瓦能到條屋換屋絕世好橋。」


「屋換屋?」


「係呀,間屋唔係淨係瓦揸嘛,仲有其他業主,叫佢地賣個價又未必肯制,咁一間換一間,最好啦,又唔使講錢、夠簡單啦。於是呢,瓦就質下屋、睇下邊尐腰,邊尐唔腰,左質右質,去換間更大更貴嘅屋。哈,咁你知嘛,瓦間舊屋個價值,咪一下子塞放出來囉!瓦又合皮,其他業主又合皮。你話幾好呢。」


「咁咪好囉。」


「好呀,不過都唔係咁順利,今次間新屋呢,瓦就想渣多少少,不過其他業主就梗係唔肯啦。於是瓦又係度左質右質,哈!終於俾瓦能到,瓦自己有尐早年買返來嘅加拿大豉油,質埋俾其他業主分,咁咪湊夠數囉。」


「加拿大都有豉油架咩?」


「嘻嘻!豉乜鬼油吖,豉油渣來之嘛,早年豉油貴仲值尐錢,宜家日本豉油都平晒啦。咪趁機賣少少俾人囉。」


「咁你另一間屋呢?」


「無丫,都要埋來換屋了。不過其他人都想要返間屋嘛,咁瓦咪又係新屋到,又再左質右質,將尐唔要嘅野送出來放係另一間屋,當派俾人囉,自己渣少少算了,皆大歡喜吖嘛。其實呀,瓦成日講,富貴於瓦浮雲,但最重要係,對手是一舊雲。」


「李伯你真係有心嘞。係呢?咁邊個叻仔同你諗到條咁好嘅橋呀?」


「嘻嘻,瓦唔講你知,不過呢個叻仔年紀都唔細架啦,平時會間中來探下人嘅⋯」


「哦⋯咁我知了。」


「瓦無講架,嘻。唉,不過,趕開又趕,根次都唔係話個個都話好。尐人囉,又話瓦搬屋,唔愛香港唔腰香港喎!」


「乜你搬去海外咩?」


「梗係唔係啦,瓦仲住係山水灣,只係瓦用公司渣呢個單位,咁奸公司係海外註冊之嘛。香港吖!有七八成人都咁做啦,又唔係得瓦一個。你要砌瓦生豬肉都毛計喎。」


「咁可能其他七八成人都無你咁重要呢。」


「哈,阿姑娘仔你真係塞講嘢,不過,又趕句公道話,瓦都覺得近年吖,香港唔係咁啱瓦囉。」


「點解咁講呀?」


「好多大碌人嚟左啦。呀,姑娘仔,瓦先講明呀,瓦唔係話你,大碌人有好有唔好,你就係好個批,不過呢,瓦近年做生意,遇到太多大碌人,佢地用佢係上面個套做野,唔係用你個套。搞到香港烏煙瘴氣。做生意又係咁,點知連尐官呀⋯都係咁。有能力嘅人唔出聲,冇能力嘅人又爭住嚟做。」


「咁你打算點?」


「無呀,仲可以點,咪得閒去歐洲買下野散下心囉。姑娘仔,你知嘛,歐洲宜家尐野平了好多吖,尐野又正喎,水又清尐、雞蛋都好食尐,連尐燈膽都正尐,瓦於是乎連屋企個尐香港電燈膽都賣走埋,賣俾尐大碌人囉,佢吔鐘意嘛。」


「乜佢地電燈膽都會買嗎?」


「咩唔買呀,尐大碌人直頭想買起成個香港啦。」


「咁你除了去歐洲買嘢,平時鐘意做咩呀?」


「返工前打下波咁囉,放工返屋企同孫仔玩下咁囉。」


「無睇電視咩?我有時都會睇下亞視,因為有好多舊戲重播,新個尐我反而唔啱。」


「睇亞視?你估我好得閒呀⋯咦,你手機響喎,係咪緊要事呀。」


「呀⋯唔好意思,係我朋友wechat我講尐無聊野啫。係呢,李伯,你有無用wechat吖,你add埋我咪可以得閒咪傾下計囉。」


「瓦唔用咩We拆既。瓦只會用飛殊book的屈apps。咦,你部手機幾靚喎,咩牌子呀。」


「哦,係紅米之嘛。貪佢平囉。」


「哦,瓦早輪有人叫我買,咪叫人去佢間公司睇下買唔買得過囉!」


「嘩,李伯,你連買部手機都要去人地公司睇過先買呀!」


「嘻,小心尐好嘛。不過都係叫瓦朋友去啫。典知瓦朋友話,佢去間公司參觀,搵來搵去都搵唔到R&D部門,只見有間房仔寫住C&V部門,瓦朋友呢個咩部門,個度尐人答佢個部門全名叫Control C & Control V喎。瓦朋友即刻明白,原來呢間公司Everything is under control C & control V,咪叫唔好能住買喎。」


「點解呀?」


「姑娘仔﹐你學下電腦就知架啦。咦,係喎,你知瓦姓李,但瓦未請教你叫咩名。」


「哦,我姓周,你叫我周姑娘就得啦。」


「哦,原來你姓周!怪不得瓦地咁好傾。好,瓦都要走了,下次瓦地再傾啦。」



前編:《一位老伯的心聲》:


http://goo.gl/TM1fIc